मिति :
पशुपति क्षेत्रको फोहर व्यवस्थापन
२०८१ मङसिर १९, बुधवार
काठमाडौँ, १५ मङ्सिर: मार्ग शीर्ष कृष्ण चतुर्दशीका अवसरमा पशुपति क्षेत्रमा लागेको बालाचतुर्दशी मेलामा जम्मा भएको फोहर सङ्कलन गरी व्यवस्थापन गरिएको छ ।
बालाचतुर्दशीका अवसरमा देशका विभिन्न भागबाट आउनुभएका भक्तजनले पशुपति क्षेत्रका विभिन्न स्थानमा शतबीज छर्ने क्रममा भएको फोहर उठाउन थालिएको पशुपति क्षेत्र विकास कोषले जनाएको छ । पशुपतिनाथ मूल मन्दिर क्षेत्रमा भने आजै सफाइ गरिसकिएको कोषका प्रवक्ता रेवतीरमण अधिकारीले राससलाई जानकारी दिनुभयो । अन्य क्षेत्रमा भने क्रमशः सफाइ गरिने उहाँले बताउनुभयो । मेलाका क्रममा कोषले प्लाष्टिकलगायत फोहर नल्याउन भक्तजनलाई आग्रह गरेको थियो । शतबीज छरिसकेपछि प्लाष्टिक लगायत फोहर भक्तजन आफैँले व्यवस्थापन नगरी कोष परिसरमै फालिदिँदा पशुपति क्षेत्रमा फोहर जम्मा भएको थियो । उक्त फोहरलाई कुहिने र नकुहिनेमा छुट्याएर व्यवस्थापन गरिने प्रवक्ता अधिकारीले जानकारी दिनुभयो । रासस
अग्रपृष्ठ
अर्थ /बिकास
स्वास्थ्य
धर्म/संस्कृति
बिचार/लेख
उपत्यका
समसामायिक
बालकथा
अपराध
मनोरञ्जन
खेलकुद
