चरेलीमा १०८ फिट अग्लो सरस्वतीको मूर्ति निर्माण सुरु
२०८१ माघ २३, बुधवार
भक्तपुर : चाँंगुनारायण नगरपालिका–८ चरेलीमा १०८ फिट अग्लो सरस्वतीको मूर्ति निर्माण सुरु भएको छ ।
आज चाँंगुनारायण नगरपालिकाका प्रमुख जीवन खत्रीले चरेलस्थित भुतेको ढुङ्गामा १०८ फिट अग्लो मूर्ति निर्माण कार्यका शीलान्यास गर्दै मूर्ति बनेपछि यो क्षेत्र धार्मिक पर्यटकीय गन्तव्य बन्ने विश्वास व्यक्त गर्नुभयो । मूर्ति निर्माण समितिका अध्यक्ष निवर्तमान परासर सापकोटाले रु ४२ करोडको लागतमा निर्माण हुने मूर्तिका लागि रु १३ लाख ५० हजार नगरपालिकाबाट सहयोग प्राप्त हुने र बाँकी रकम दाताबाट सङ्कलन भइरहेको बताउनुभयो । कार्यक्रममा वडा अध्यक्ष जनक खत्री, श्यामकृष्ण नयाँजु श्रेष्ठलगायतले मूर्ति निर्माण कार्य सम्पन्न भएसँगै चरेली स्वदेशी तथा विदेशी पर्यटककको आकर्षणको केन्द्र बन्ने बताउनुभयो ।रासस
